Амралтын өдрүүдэд УИХ-аас томилогдсон ажлын хэсгийнхэнтэй төрөлх Дундговь аймгийнхаа Эрдэнэдалай, Дэлгэрхангай, Сайнцагаан сумдуудад ажиллаж, ЕБС-иуд, дотуур байруудын нүхэн жорлонг цогц ариун цэврийн байгууламжаар шинэчилж боловсон нойл болгож байгаа төслийн ажилтай газар дээр нь очиж танилцлаа. Энэ үеэрээ Сайнцагаан сумын төвд байдаг Монгол түмний бахархал болсон шаргын хөшөөндөө очлоо. Энэ өдөр Монгол түмний минь алдарт ажнай шарга азарга маань тэнгэрийн хүлэг болжээ.